我個小寶貝…可欣一歲啦
回想番佢出世當日,比預產期早左兩個幾月,真係有D殺我地一個措手不及,仲好多野都好不一樣
出世時只係一個3磅多少少既包皮骨人型生物,人地個個BB出世都可以同爹娘影張合照
佢一出世就比醫生搶劫左,連抱都冇得抱
每日去醫院探佢只能夠隔住個箱,望住全身插滿喉管既小小身軀,真係有點傷感
頭十幾日,每日既情況都有可能有好大既轉變,今日3條喉,聽日去到又多左一條,後日去到又多左一舊野,內心不受控地充滿擔憂
可幸見住佢慢慢咁長返一點點肉,d骨頭冇左咁現型,內心才開始平靜一點
好不容易捱完38天既醫院生涯,返到家又一番新既挑戰
曾幾何時差點將爹娘折磨至崩潰,但最終又咬實牙關地過
曾抱病入院3天,又高燒,又肚瀉,又大便有血,又被姑娘折磨至差點瘋了
心痛到不得了...
曾氣管炎,要服用抗生素,渡致胃口大跌至接近絕食,瘦左成個碼
由一舊飯,開始識轉身,開始識企,開始只係識向後爬,開始曳,開始大叫,開始識發脾氣,開始唔鐘意抱,鐘意周圍爬,開始識鬧番我轉頭…
短短一年,點點滴滴實在多不勝數
有開心,有激氣,有擔憂…
未來既日子將會有更大既挑戰,面對更多既問題,更多既難關,but
whatever,只要你健健康康,開開心心咁成長
一切都變得不重要
祝可欣一歲生日快樂!
回覆刪除[版主回覆08/03/2013 17:57:08]些些lee呀...^^
做人父母...真的不容易~
回覆刪除看到可欣第一張相...我不至於流淚,但我鼻好酸好酸...
想到那時候的你絕對係又憂又喜...
唔緊要~就當是天公的考驗,過了一天光哂 ^^
放心~寶貝一定會好好長大,身體健康的!!
[版主回覆08/05/2013 10:22:29]對呀,那時心裡感覺真的十分複雜,話晒都係第一次做老豆就遇到咁既情況,其實憂多於喜,只能以正能量去調節自己,相信雨後晴天...
生日快樂~
回覆刪除陰公, 最後張相好明顯瘦左呀, 1歲大個女要身體健康呀!