上兩個星期六,開開下工老婆打比我,話外母覺得阿女個人好熱,就幫佢探下熱,一探就探左38.2度出黎
咁我就話等我放工返黎先同佢去睇醫生啦(我當日係放兩點既),同埋叫外母密切留意佢既情況,若然持續上升就要打比我啦…
跟手我做野都做到蘿蘿孿架啦,所以呢我一點就收左工啦…
o係我返到屋企樓下既時侯,外母真係打黎,””bb而家39.4啦…””
wa……真係不得了,39度幾,喂…足夠燒傻人架啦喎…(好彩我早走je)
即刻捉左佢去法國醫院
醫生同佢塞左粒退燒藥落個屎忽度,再開左d藥就走得啦
粒屎忽藥有料呀,好快就退左燒,不過我都知呢d假像黎架啦,通常d藥力一過左就會番燒架啦…
真係準過黃大仙,一夠6個鐘,d體溫立即升返…
通常小朋友o係唔舒服既時候就特別扭計既,可欣亦唔例外
當晚既光陰特別過得緩慢,o係我幾經艱苦終於暗到阿女瞓著左(已經係點半鐘啦),諗住自己都可以瞓啦掛,特然覺得阿女條頸好似好熱咁,於是就同佢再探一探熱
.....................................................................................
啊………40度???????
我冇睇錯呀馬???再探多次…
39.9
即刻拍醒熟睡中既老婆,
喂….阿女40度呀,入廠啦…
入到急症,好快就有得睇啦(因為BB發燒係可以優先既)
阿女其實o係分流站既時候都已比個姑整喊左架啦,入到黎見醫生又攪一輪,跟住去左照X光又一劑
BB呢d情況呢就一定要留院架啦,上到去病房,D姑娘同佢又做同一SET野又一劑,攞左床位,隔左一陣又話去抽血,黎到呢個階段,其實佢都已經崩潰架啦,一路都捉到我實一實,隻手鬆開少少即喊
轉頭姑娘又話要去抽鼻涕,佢都已經喊到冇晒聲咁濟啦…
好啦,抽完鼻涕都喊到個人倦晒囉,就HER HER聲返房暗佢瞓,諗住瞓著左擺佢落床啦,噓….咪旨意,一離開我個心口JA,即刻爆喊…
好…冇問題,我咪攬住佢瞓囉,鬼叫做人老豆咩…
好戲還未完,當佢岩岩瞓到林晒既時候,阿姑娘忽然走入黎話…
“要抽多次血喎,頭先O個次抽得唔好…””
我!()*)@*!@^&!&@%!#%&(
乜X野叫抽得唔好呀????
姑娘:”係咁架啦,小朋友郁身郁勢,係麻煩D架啦…”
唉…都冇計架啦,都要抽架啦…
又再抱返去O個間房,今次我有好濃烈既感覺,好似抱佢去行刑咁…
當我放佢落床,佢望住我O個個求救既目光,O個個可憐既喊樣,我呢世都記得,個心真係赤赤痛…
到左第二晚,先比我老婆攪掂佢肯瞓床
岩岩先好返冇耐既濕疹又爆番晒出黎,SHIT.….
唉…真陰公
呀…唔記得講,佢仲肚屙TIM,最高紀錄一日九次,而且便便入面仲有少少血絲,唉…點解會咁架???
O係住院呢段時間,我每次問醫生,佢點解會咁,醫生都係答,等出報告先,好啦,報告出左啦,醫生又只係會答,報告冇問題,跟住又遊花院,…
喂…老細,我都係想知個原因,想預防下咁JE
另外有一樣野我又覺得好荒謬既,BB要燒到38.5先會比退燒藥佢食,少0.1都冇得食,話等佢自己好(等佢自己好我唔洗入醫院啦,我帶佢去骨場過夜好過啦…)
喂…其實OVER 38都唔少野架啦喎,會唔會燒傻架???若然真係燒傻左,我一定搵你攬炒&*&#*(@#&@%!$@!$!*(
傻下傻下咁捱左3晚,阿女終於都退燒同冇屙咁多啦…可以出院啦…
YEAH……………….
外母即時買左碌柚葉同阿女沖涼
返到屋企成個精神晒
梗係啦,有邊度好得過屋企丫…
沒有留言:
張貼留言