先o個排咪話阿女夜晚終於肯瞓覺既,點知好景不常
個幾禮拜前佢又開始患上日間渴睡症同夜間厭睡症
真係…錯x晒
而家晚晚起碼扭到兩,三點,甚至三,四點先肯瞓,但係朝早7,8點就起身,我就冇乜所謂呀,因為我o個個時間都要返工啦,係難為左我老婆ja…
點知高處都未算高
呢幾日仲患埋<厭奶症>
真係蕭都比佢吹孿…
喂…..你唔食奶仲可以食咩呀???你唔肚餓既咩???
一隊個奶咀埋去就擰頭擰計,條脷就喪頂,對手仔就狂推,跟手就大叫
次次食得o個十m,你唔係咁細個就識減肥呀,師傅???
湊呢個女真係好似打機咁,過完一關又一關…
仲要關關都要打大佬,難打到死…
可欣呀…你老豆我都一把年紀架啦,唔捱得咁多架啦,比條好路黎行下啦,唔該…
2012年12月29日 星期六
過關,過關,再過關...
訂閱：
張貼留言 (Atom)
hi, 你好!你囡囡係咪厭奶期丫???試下唔好4個鐘俾佢食,試下5個鐘先俾佢食,等佢餓d先,果時我仔仔都係咁架,所以果時,我5個鐘先俾佢食,佢又肯食,又食得勁快,5分鐘食晒!!!
回覆刪除[版主回覆01/05/2013 10:35:16]佢時時都唔同,非常飄忽,有時又食得晒,,有時隔耐左餵都係食得一半,非常難攪...
仲有丫,你試下由黃昏開始唔好俾佢訓,係咁同佢玩,見佢一想訓就整醒佢,之後安排佢9點一定要訓教,果時我都係咁對仔仔架,所以佢而家定時定後就會訓架啦
回覆刪除[版主回覆01/05/2013 10:38:11]試過唔比佢瞓,到9點幾食完奶就要佢瞓覺,希望佢可以一覺瞓天光,點知半夜,兩點佢就自己醒啦,日日如是,灰到我爆...
佢要飲芝華士呀
回覆刪除[版主回覆01/05/2013 10:39:10]可能真係要比芝奶佢飲先攪得掂.../_\
[版主回覆01/05/2013 10:39:06]可能真係要比芝奶佢飲先攪得掂.../_\