眨下眼,阿女就出左世兩個幾月啦
因為佢唔足月既關係,所以醫院幫我養左佢個幾月,不過呢個幾月都過得並不輕鬆,因為我同老婆日日都會去醫院睇佢,我就放左工去,老婆就早D去幫佢換下片,餵下奶,睇住佢由皮包骨到面豬DONE同D手仔腳仔多番D肉,真係有D感觸,生命就係咁奇妙...
經過左個幾月既頻撲日子,阿女終於夠體重出院,心情真係開心得黎又有D擔心...
擔心既係佢既體質始終同足月BB有個距離,O係醫院都仲有好多護士睇住,又有儀器CHECK住佢D心跳同血含氧量,但係一返到屋企就要靠自己觀眾,所以點都有D壓力
本來O係屋企住一個禮拜就會去外母度,不過因為佢屋企隻狗冇人肯要,所以費事D狗毛影響到水皮既阿女,老婆又仲放緊假,咁就比阿女繼續O係屋企...
初初出院既阿女好乖,唔會喊,又唔會扭計,真係非常好揍
但係...........................................................................
到左佢原定既預產期O個日,性情就作出左180度既轉變...
之前既佢唔扭計,唔喊,只係因為佢太細個,未識扭計,未識喊,但係而家........
佢同好多正常既BB一樣,日頭瞓到隻豬咁,點拍點叫都唔醒,但係一到11點後就鬼打都冇咁精神不停扭抱
有時仲抱都唔得,仲要UN住抱,有時仲要唱埋歌佢聽同不停O係佢耳仔邊講野,直至佢瞓著為止...
諗住瞓著左放番落床啦,HEY.....咪旨意,一擺低唔夠5分鐘佢又喊,真係人都癲....
而家都仲話老婆放緊假,可以全力咁揍佢,到遲D老婆返番工,咁就大X鑊啦...
阿女出左世之後,整個生活都完全咁扭轉晒,平時既活動完全停晒
鏢冇掟,酒冇飲,山冇行,相冇影,街冇出,一日到黑都係揍女,每日放左工返屋企都係做家務,煮飯,洗碗,洗衫,洗奶樽,吸塵,拖地
我發覺我已經成為一隻工蟻
不過只要阿女健康成長,開開心心,一切都係值得既...
終於等到你post野喇,congratulation! 祝bb快高長大身體健康! 辛苦就一定架喇,bb既出現真係會影響晒自己本身既生活,慢慢你地會慣架喇,不過睇住佢地健康成長,咩都值得,努力!
回覆刪除[版主回覆11/18/2012 22:59:53]thx...因為湊bb實在太....多野要做,所以真係冇乜時間寫blog,我會儘可能寫番密d架啦...^^
而家o既辛苦, 會係將來美好o既回憶呢~~~~
回覆刪除[版主回覆11/18/2012 22:58:10]冇錯,點都好,只要係自己既小朋友,回憶都係開心既...^^
係咪習慣一喊就抱佢呀？？就算辛苦，你都要笑住辛苦，HAHA
回覆刪除[版主回覆11/18/2012 22:54:01]佢多數半夜先喊,唔抱唔得啦...不過話晒都係自己既BB,幾辛苦都係開心既...^^