插曲

知道有左之後,老婆就罕有地,非常有效率地去醫院排期(平時既佢係極之HEA既)



亦開始安排一連串既檢查,首先係檢查我地自己先,因為我地冇做到婚前檢查



為求快捷,就搵左間私家診所黎個<後補>婚前檢..^^

 

婚前檢好快就有報告,好彩一切正常<因為我成日都以為自己唔正常>

 

咁我心態亦調整完畢,就諗住開開心心去迎接迎新生命既來臨啦…



點不知過左幾日,到醫院個初期產前檢出左啦,姑娘打電話比是頭婆



話驗到<唐氏>唔合格,仲要同正常水平相差都幾遠…(即時上網睇左一大剷相關資料)

噢…………..



唔係掛……唔係玩野呀???



呢家野並唔係講笑架喎,於是即刻同醫院相約作進一步深入檢查



呢次快呀,兩日後就有期,但係份報告要等3個星期



咁咪即係要擔心3個禮拜???WA….呢3個禮拜咪好惡等???



咪攪,問下佢有冇D捷徑行呀???又真係有喎,3個工作天有結果,準確度97%(要加錢)



比你啦……差咁遠梗係比啦…..,

 

我就好衰既,所有野都會做定最壊打算,我覺得做任何事,點都要有幾手準備先好似安心D,所以就趁呢幾日查探左一D資訊(當然梗係唔希望用得著啦)



到左第3個工作天,返到公司好似比蟻咬咁….



到左十點幾,就收到老婆既WHATSAPP….

老婆:老公………………….



跟住隔左一陣都未有第2句,心底即時一沉…qx