小分別*大轉變

差唔多兩個月冇入過黎啦.....

都係拜於沉迷FB d game囉,同埋d生活又真係冇乜特別(其實主因都真係懶囉)

不過....都有一件好大既事發生左....

就係小弟技身左廿年既飲食業,我決定要同佢講再見啦...

其實呢個決定都掙扎左好耐,因為家陣都幾廿歲人囉,而家黎轉行都真係唔易

兼且做緊既公司d收入又叫ok,又多大假,真係叫唔錯架....

but.........最主要既導火線,都係我真係頂唔順呢個仆街經理啦

再加上佢旗下既一眾俏嬌娃,唉~~~好老實,以我o係呢行浸淫左廿年既道行都頂唔住

可想而知o係呢幾年我係過得幾咁痛苦~~~~

廿年黎...每日返工既工作就係受客氣,受氣,同受氣,加上呢幾年咁深層既委屈...

廿年啦......我真係受夠啦,再係咁落去,我會癲架....

自己成日都會諗,只係搵啖飯食下je,又唔係求大富大貴,點解要將自己擺到去咁低既位置呢???

經過多番既思考,我都係寧願搵少d,都唔想再係咁樣落去...

所以我要走...我要變...

做人做乜要咁難為自己,咁委屈自己,咁作賤自己呢~~~~

有d人會話我不智or衝動or做邊度都係咁架啦etc.....

但係我憑住有苦自己知呢個信念,絕對贊同自己呢個決定...

無論將來點都好,就算會餓死街頭,我都絕不後悔....

*********************************************************

o係而家呢一刻,我只係覺得成個人輕晒,開心晒,咁已經足夠

暫時乜Q都唔理,抖下先,玩下先,搵下旅行去,好好享受下呢個遺失左好耐既感覺

後日就同是頭婆同埋另外兩pair人去墾丁自駕遊,實行悠閒假期....

我一定會喪影好多相架,不過靚唔靚就唔敢包啦^^

返黎之後再post上黎比大家睇丫...^^