地獄之初

地獄月才開始個幾星期.......

第一日隻手指已經"慘"左刺,第2日腫到爆晒,成個禮拜都未好

含晒膿,過多兩日一定要搵e生篤鬼穿佢...因為實在係太........痛啦..

每日9小時工作,除左食飯o個一個鐘,其餘全部時間都係做...做....


做......................

不停咁搬,抬,托...

我開始發覺其實我係一個""碼頭咕喱""

經過呢幾日既過度勞動,我d舊患開始慢慢引發出黎啦..

首先手腕開始想黎料,條腰都蠢蠢欲動,萬一條腰一有d咩風吹草動

我一定會選擇離場,始終身體先係最重要...

今日我開始返大早,朝早6點...

平時呢個鐘數我先岩岩上床,而家竟然已經要開工,真係唔慣...

但係又因為咁樣比我知道原來""的士""係朝早6點交更既

我今朝落街截車既時候,條街想搵架的士睇下都冇,等左不知幾耐先比我截到架

個司機o係我上車前仲問我去邊,近先去,遠就唔去,話趕住交更

呵~~~黎緊呢幾日都係要再早d出門口囉...