好啦….話說上個禮拜有4日假期,第一日因為一個馬拉松式既睡眠,瞓到夜晚8點幾先起身,跟住夜d出去飲下野,就咁就一日啦…
星期五,下晏去左搵幫主食lunch,就係呢個lunch,我地就進入左一個新階段啦…
食完個lunch之後,其實都成6點啦,就殺出去旺角會合數人,上去阿黃生屋企睇奧運,巴士途中塞車塞到仆街,原來全世界放工都趕住返屋企睇奧運,呢個””北京2008””對中國人既影響真係非同小可
我地一落車就裙拉褲甩咁衝上去,驚死蝕咁,好彩最尾都叫做趕到
呢個開幕禮,我地全程睇到E嘩鬼叫,我給予””精彩絕倫,嘆為觀止””呢8個字
由一開場,我地雖然係隔住個電視睇,但都能夠感受到o個份洶湧澎湃既迫力,整個過程高潮浪接浪,場面華麗之餘,最令人震撼既係,完全將o個份高度團體合作精神同能力發揮得淋漓盡致,剩係呢個開幕禮,已經令中國贏盡面子…
鳥巢同水立方真係靚到呢….
***************************************************************
***************************************************************
因為阿妹要O.T既關係,所以o係中途先加入…
一連串精彩既表演節目完左之後,就到運動員進場既時間啦…
咁期間我地又掹下槍咁啦...(不過我今次就真係冇乜點影...)
連封左槍幾個月既大肚婆都忍唔住要露兩手
既然阿dear你發表左咁寶貴既意見
咁o係呢段過場時間,我地幾個就傾下來緊10月台灣之旅既細節…
到左11點幾,幫主都收左工上埋黎...
咁我當晚就落左樓下接佢,到一上返黎既時候,發覺被幾支槍指住.....
""喂...你地係咪傻架??????????""(心諗...我都冇透露過,冇理由你地會知架,咁都要影一餐???)
餘下既詳情,我諗大部份既人都睇左其他人既post啦,咁我就唔多講啦...
到左12點幾就離開啦.....
咪住咪住........
爭d漏左幅相tim...呢幅真係一定要登出黎
你睇你睇.......個樣真係衰到呢..............好似拍緊4仔咁,你地話係咪真係想一腳申落去呢......
F
回覆刪除