這一天...

今日休息,同幫主走左去睇盜墓迷城,o係上次睇batman既時候,呢套既預告片已經睇到我 E 嘩鬼叫,所以十分期待

今日睇完,都冇令我失望,因為如果你抱住睇一套動作特技片既心態去睇,佢絕對滿足到你...(當然唔能夠諗佢合唔合理啦,正所謂講故唔好駁故),因為呢套戲真係好多動作同特技,冇乜冷場,值得一睇....

睇完戲,幫主就去左自己fever,我就捉左幾條友去探阿大肚婆同慰藉下阿黃生(因為呢排佢兩個都辛苦啦)

開頭本來剩係諗住捉阿傻婆上去,but前一晚msn見到suki同飛龍,佢地都識穿左我今日放假,於是梗係一齊去啦....(呢d咪默契囉...)

今日冇豐富既佳餚,亦冇大家喜愛既芝華士,只係o係茶記叫外賣上黎食,但同樣食得暢快無比,笑聲不斷,真係人少少,簡簡單單,亦能樂足一晚....

其實都好多野食架...

食飯前,兩個中了劇毒的女仕不停o係度偷錢,打劫.....總之就犯法啦...

飯後...個個好似撞左邪咁啤住部電視......原來又係呢套野"""溏心風暴"""

wa....你睇carol個肚,成個jacky咁喎,睇黎芷晴都幾快高長大喎,但係記住,o個條腿千祁唔好似老豆,如果唔係就該煨啦.....
仲有呀...芷晴...我今日講左ja日子你聽,記住o係o個d日子先出黎呀,知道嗎....

梗係有指定動作啦......

其實o係近幾次既聚會,我發覺我地既關係已經昇華到一個新既階段

o係十個月前,曾經有一個blog友同我講過一番說話...

(((丫....黑仔,我以前都識過一班blog友,佢地開頭都好好,fd到不得了,但係只係過左3個月倒,就成班散晒啦,哈~~~唔知你地又可以fd到幾耐呢???)))

當時我就咁樣答佢...

(((其實呢d野好講緣,我唔敢講每一個都可以維繫到,但係只要大家都有用心經營,同埋最緊要唔好做一d傷害到大家既野,我諗我地應該可以keep到...)))


飛魚媽媽...我地都識左一年多啦,話長唔長,話短亦唔短,但o係呢一年都有好多風風雨雨,並不易過,渡過左呢一年既種種起落衝擊,我地依然仲o係埋一齊,心只有更加緊扣,睇黎都走唔甩架啦....