期待已久,行幾次都行唔成既鹿湖之旅,終於o係<<5.1勞動節>>呢日還左我地個心願啦
o係極速組團既情況之下,集齊左六名勇士參予呢次既活動,分別有
我終極黑仔王啦,黑邦,Oscar,Amanda,同埋首次攜眷出席既鴨仔同埋鴨嫂...
當日o係搭車入西貢途中,遇上前面發生奪命交通意外,所以導致塞車,在小巴上聽到收音機廣播,已有一人死亡,多人危殆,多人仍未被救出,而且大部份是長者,心內大呼不妙,但只能給予祝福,與默哀.........
...........................................................................................................................................................................................................................................................................................................................................................................................................................................................................................................................................................................................................................................................................................................................................
在西貢市中心再轉車進入山區地帶,跟住就滿懷興奮地開始我地既行程......
呢個牌實要影架啦
wa....一開band就要行條咁叉高既樓梯,不過冇緊要,我地年青力壯,冇難度....
都幾斜幾高架....
上完條樓梯再行左一陣,就發覺已經被群山包圍住,心諗....""呢度叫鹿湖,唔係應該有個湖先係咩,點解通處都係山既???阿湖呢???""
原來""孤單的小樹""又搬左黎呢度啦...
不過既然開始左,就梗係要行到尾啦,於是再行左一輪..........
E~~~~聽到水聲喎,唔通o係d山中間真係有個湖,於是就加快腳程向前標啦...
湖就冇啦,但係就有條石溪澗
d水仲清到不得了..
頭先行黎行去都係對住d山,悶到嘔咁濟,家陣見到水喎,我地仲唔發晒癲咩,
掹槍啦........
癲完一輪,見呢度咁優美,就順便o係度開埋餐啦,我地今次豐富呀,唔洗食乾糧啦...
當我食飽飽後,就好百厭咁沿住條溪既上游方向行,行到我完全離開左佢地視線範圍,不過眼前所見既真的令人興奮.....
真係有個湖.....不過唔係<<鹿>>湖, 係<<綠>>湖呀........
仲有條瀑布,o係瀑布下面個湖,真係綠色架........
拿....d水真係綠色架....我部機曳ja,唔係好影到d色....
我地o係呢度玩左好....................耐,就繼續進發啦...
聽鴨仔講,我地跟住會見到一個遺跡,wa.....遺跡喎,"聽"都好似好堅咁喎.....
*************************************************
*************************************************
*************************************************
*************************************************
你老味丫.....原來呢個就叫做遺跡.............
照睇呢,呢度以前應該有人住既,呢壇野只係一間爛屋黎je,爛屋都唔緊要,唔好咁細間丫,老細.....大間d都澎湃d丫,係咪先???
我屋企都細架啦,仲佢細過我屋企,妖~~~~~
跟住再一路向前行呢,就開始上到群山既較高位置啦,再行行下,忽然見到前面有個好高既山峰,心諗...wa.......咁Q高,咁Q斜,要我行就真係死比你睇啦.......
頂...........................點知原來真係要行
o係下面向上望既時候,已經面都青埋,因為之前已經行左好一段好凹凸既山路,再加上大家個身都已經濕到淋晒,出左好多汗,用左唔少既體力,而家先話要上呢段咁恐怖既奪命斜,真係隨時冧幾件都似...
不過冇計啦,黎到呢個階段,騎虎難下......殺呀..............................................
上到一半,望番落黎,o個條路就係我地行架啦....
唔好睇好似冇乜野咁,其實係好...高架.......
呢度再高d tim....
Amanda而家都仲好地地...
開始唔掂啦......
wow~~~~~正式慘被KO
捱過左呢個山,個個都已經處於半死狀態,但係仲要過多兩個山頭先開始向下行
因為大家都十分疲倦,同埋落山既路比較跣,所以之後既路程都冇乜影相啦
差不多完成路程,我地就見到呢個牌啦....
入口個度明明係寫<<郊遊徑>>,做乜呢度寫<<高原>>架???
你老闆......早D講<<高原>>,我就唔Q行啦,頂.................................
o係回程途中,我與眾團員突然想起一門生意,就係攪個""鹿湖纖體團""
標題可以咁寫...
""參加鹿湖纖體團,可以幫你減到6磅,12吋,仲有合約保證tim~~~~~""
然後再搵埋""胃腩""and""WaI B""做代言人,咁就真係無敵啦......
## 發唔發覺點解好似咁少人物出鏡咁呢,完全唔似我blog既風格...
因為仲有""人物篇""將於不日公佈....
敬請密切留意.................##
沒有留言:
張貼留言