呢兩張相o係5點幾影既,你話係咪灰晒丫.....
尋日既天氣實在令人擔心,d雨落下停下咁,正宗長命雨,收到風o係9點零鐘仲落狗屎tim,其實都已經打左輸數,不過我d同事話死都要去,風雨不改,wa....佢地真係好鬼堅持
不過我心諗,我係"終極黑仔王",唔通我今次第一次打呢個場就打唔成??
但係諗諗下又覺得,我黑je,佢地唔黑咪得囉,咁多人旺點都頂得住我一個黑仔呀.....
終於等到收工啦,真係冇雨,但係個地下就好濕,似係岩岩停o個隻,咁我地一行18人就浩浩蕩蕩咁出發啦......(仲有兩個o係入面等,total 20人)
真係好好彩,o係呢3個幾鐘裡面,只係落左大約10分鐘雨,其餘全部時間都ok
wow~~~~真係要多謝晒阿天哥,佢既合作,令到我地可以盡興咁打左幾場激烈既戰事,唔該晒.........
game評:個場好黑,同埋我帶左眼鏡,眼鏡o係 mask入面產生霧氣,所以唔係好睇到野,下次要查番d防霧濟,同埋要買番支電筒,因為有電筒真係好打好多...
個場夠大,又多障礙物,連車都有幾部,計地形真係好玩到不得了
打auto 既震撼性同打短火真係冇得比,剩係攞住支野亂咁掃都已經過癮死啦
綜合結論:好....好...玩(如果唔怕夜的話)
消費:場租連包車來回,每位只需$140,抵到喊......
如果冇"架生",有得租,$100 槍,彈連全身裝備(咁租o個d梗係冇咁正啦
)如有興趣者,請聯絡本人...
(carol,恐龍,飛師兄,快d埋team啦.....)
(因為遲左入去,所以冇乜時間影相,影左兩張已經比人吹到暈啦)
我已經由一個普通既恐怖份子變身成為一個專業既恐怖份子啦...
set裝備時的情況
F
回覆刪除